Om fakultetet

Det juridiske fakultetet i Oslo er den institusjonen som utdannar flest nye juridiske kanididatar i Noreg.

Fakultetet har òg det breiaste fagtilbodet innan rettsvitskap, og er den einaste utdanningsinstitusjonen i landet for kriminologar.

I dag har fakultetet rundt 4 300 studentar og 270 tilsette.

Fleire fagdisiplinar 

Ei rekkje fagdisiplinar sorterer under Det juridiske fakultetet. Eksempel er eldre rettsvitskaplege område som privatrett og offentleg rett og nyare område som kriminologi og rettsinformatikk.

I tillegg er det vorte oppretta eit senter for europarett og eit senter for menneskerettar. 

Fleire tar ph.d.-graden

Doktorgradsopplæringa ved fakultetet er høgt prioritert, og talet på gjennomførte doktorgrader aukar!

Organisering i tverrfaglege forskargrupper er tatt i bruk for å styrkje kvaliteten i og omfanget av forskinga. 

Vil auke ekstern finansiering 

Fakultetet satsar sterkt på å auke delen av ekstern finansiering av forskinga. Fagmiljøa deltar aktivt for å få dette til.

Våre vitskaplege tilsette publiserer også hyppig artiklar i etablerte nasjonale og internasjonale vitskaplege publiseringskanalar.

Samfunnsengasjerte tilsette

Fakultetet sine vitskapleg tilsette spelar ei betydeleg rolle i det norske samfunnet. Dei er etterspurde som medlemmer og leiarar i offentlege råd og utval, særleg i lovkomitéar og voldgiftsdomstolar.

Dei er utredningsforfattarar, og dei engasjerer seg aktivt i vedlikehald og utvikling av rettskulturen både nasjonalt og internasjonalt.

Dei er òg premissleverandørar til den offentlege debatten, som dei sjølve tek aktivt del i.