Norsk senter for menneskerettar (SMR) har ei rekkje internasjonale partnerar i arbeidet for å fremje dei internasjonalt anerkjende menneskerettane.
Desse samarbeidsprosjekta er i hovudsak organiserte gjennom ulike internasjonale program.
Senteret framhevar forskingsbasert utveksling, dialog og samhandling.
Kvart enkelt program inkluderer både forsking og administrativ kapasitet, samtidig som ein trekkjer på nasjonal og internasjonal ekspertise.
Samarbeidande partnarar finnest først og fremst blant akademiske institusjonar og lærestader.
Landprogram
Indonesiaprogrammet
Programmet samarbeider med statlege institusjonar, akademia og frivillige organisasjonar. Kapasitetsbygging er eit viktig element i dei fleste prosjekta.
Kinaprogrammet
Kinaprogrammet støtter utviklinga, forståinga og gjennomføringa av internasjonale standardar på menneskerettar i Kina. Eit nært samarbeid med kinesiske akademiske partnerar er ein hjørnestein i arbeidet.
Vietnamprogrammet
Programmet driv samarbeidsprosjekt innan menneskerettsutdanning, lovgiving og forsking basert på forslag frå våre partnerar innan forvaltning og akademia.
Tematiske program
Kina-autonomiprogrammet
Programmet fokuserer på realiseringa av minoritetsrettar i Kina, Kinas regionale autonomisystem, sett i eit komparativt perspektiv med tilsvarande system i Noreg.
Programmet for sosioøkonomiske rettar – SERP
Programmet har til mål å støtte forsking, argumentasjon og utdanning knytt til desse rettane, både nasjonal og internasjonalt.
Oslokoalisjonen for religions- og trosfridom
Oslokoalisjonen arbeider for å fremje religions- og trosfridom som eit felles gode som kan støttast og fremjast av alle religionar og overtydingar.
