Leiar for Forskargruppa i naturressursrett Katrine Broch Hauge har glede av å meddele at forskargruppa er partnar i eit av konsortiuma som vann fram i utlysinga. Senternamnet er INLAND. Dette er eit konsortium og senter leia av forskingsinstituttet NIBIO, og prosjekteigar NMBU. NIBIO og NMBU skal lede nytt nasjonalt senter for bærekraftig arealbruk. Det er altså eit tungt Ås-Campus orientert senter. Dei to øvrige partnerane er oss frå juridisk fakultet, og FNI (Fridtjof Nansen Institutt). Med andre ord er det tale om eit knallbra forskingslag som skal samarbeida her.
For Forskargruppe i naturressursrett betyr dette rekrutteringsmuligheiter, og eit godt fundament for forskingsaktivitetar både hjå oss, og saman med partnerane i prosjektet. Det er verdt å merke seg at heile 29 partnerar frå praksis er med i teamet. Dette er ulike deler av offentleg forvaltning (representantar frå alle styringsnivå og dei mest relevante sektorane), interesseorganisasjonar (landbruk, reindrift osv.), privat næringsliv i form av for eksempel entreprenør, bank, kraftselskap osv. Desse blir det gull å samarbeide med. Som klima- og miljøvernminister Bjelland Eriksen også understreka på markeringa av tildelinga: utvikling av ny kunnskap - og ikkje minst løysingar som let seg omsetja til praksis – er ikkje ei einvegs greie.
Overordna spørsmål som vi juristar må bidra til å løyse her er korleis og i kva grad eksisterande styringssystem og politikk medverkar til å nå nasjonale og internasjonale mål knytte til areal- og naturbruk, og kva dei viktigaste hindringane for måloppnåing er. Ikkje minst blir det spennande å arbeida for nye løysingar gjennom politikkutforming, verktøy og instrument som legg til rette for transformativ endring for å oppnå det som kan oppfattast som berekraftig areal- og naturbruk i Noreg