Styrkt kopling til digitalisering og ny teknologi
Utgangspunktet til prosjektet er eit behov for å førebu jusstudentar på ei framtid der dei skal administrere rettslege prosessar med teknologi, ha grunnleggjande digitale ferdigheiter og som jurist aktivt støtte utviklinga av nye teknologiske prosessar på tvers av disiplinar.
Prosjektet Den digitale jurist ønskjer å utvikle jussutdanninga i denne retninga gjennom ei sterk kopling til praksisfeltet. Eit av måla med prosjektet er å setje studentane i stand til å forstå korleis digitale og automatiserte system er bygde opp, og kva konsekvensar teknologiske endringar har for rettsvitskapen. Vidare skal dei få opplæring i grunnleggjande datavitskaplege og statistiske metodar slik at dei kan bidra i utvikling av rettsleg teknologi.
Prosjektet legg også opp til ei kopling til praksisfeltet ved at studentane skal få høve til å lære kollektiv rettsleg problemløysing gjennom gruppearbeid om arbeidslivsrelevante prosjekt i samarbeid med eksterne aktørar.
Prosjektet omfattar fire valemne i jusstudiet:
- JUS5502 - Lovgivningslære
- JUS5505 - Empiriske rettsstudier
- JUS5690 - Robot Regulation
- JUS5671 - Legal Technology: Artificial Intelligence and the Law
Kontakt
- Fagleg ansvarleg: Professor Malcolm Langford
- Fagleg team
- Professor Tobias Mahler
- Professor Kristin Bergtora Sandvik
- Førsteamanuensis Jon Christian Fløysvik Nordrum
- Førsteamanuensis II Synøve Nygaard Andersen
- Stipendiat Runar Lie
Finansiering
Prosjektet er tildelt støtte frå Diku - Direktoratet for internasjonalisering og kvalitetsutvikling i høgare utdanning (tidl. Noregsuniversitetet), NOK 610.000,- fordelt på 2019 og 2020.
Samarbeid
Prosjektet har ei rekkje eksterne samarbeidspartnarar.
Aktuelt
- CELL har søkt om prosjektmidlar for å utvikle Den digitale rettsalen til ei intern UiO-utlysing om digital vurdering. Vi søkjer om å utvikle ei ny digital læringsplattform som eit ledd i arbeidet CELL gjer med å utvikle erfaringsbaserte læringsmetodar i rettsstudiet. CELL har søkt om midlar for å utvikle plattforma og for å utvikle eit automatisk tilbakemeldingsverktøy på bakgrunn av det digitale tekstkorpuset av eksamensoppgåver og innleveringsoppgåver fakultetet har tilgjengeleg.
- Lovkonferansen 2019: Om lovgjeving, lovspråk og lovforvaltning
- Heather Broomfield blir tilknytt Institutt for offentleg rett som stipendiat for å skrive ein ph.d. om "Algorithmic Governance"
Presseomtale