UiO leier arbeidspakke 4 Løysingar for berekraftig utvikling og transformativ endring i senteret, i samarbeid med Norsk institutt for bioøkonomi (NIBIO).
Hovudspørsmålet i denne arbeidspakka er: Korleis kan vi endre måten vi brukar areal og forvaltar natur på, slik at det skjer på ein meir berekraftig måte, gjennom å utvikle og integrere nye løysingar? Dette spørsmålet er delt inn i tre deloppgåver (4.1, 4.2, 4.3). På tvers av alle tre er eit hovudtema å oppdatere og bruke lover, forskrifter, planverktøy, kontraktar og økonomiske verkemiddel betre, for å styre arealbruk i ei meir berekraftig retning.
4.1 Redusere det samla arealpresset og støtte omstilling
4.2 Berekraftig naturbruk (landbruk, reindrift, skogbruk)
4.3 Naturvern og restaurering
På tvers av alle tre deloppgåvene er dei sentrale juridiske temaa:
Å reformere plan- og konsesjonssystema for betre å verne natur og integrere vitskapleg, økonomisk og lokal kunnskap, samstundes som ein sikrar effektive forvaltningsprosessar.
Å styrkje og klargjere dei rettslege rammene for:
- Naturrestaurering
- Økologisk kompensasjon
- Fornybar energi og andre tiltak som trengst for det grøne skiftet i samfunnet
Å bruke økonomiske og finansielle verkemiddel i jussen for å stimulere til berekraftig arealbruk og for å internalisere miljøkostnader.
Å styrkje fleirnivåstyring og avtaleordningar (t.d. vekstavtalar, regionale planar) for å handtere interessekonfliktar på ein juridisk måte.
Å formalisere medverknad og samskaping slik at lokalsamfunn, urfolk og andre interessentar får reell innverknad.
Å sikre at Noreg etterlever EU/EØS-retten, slik som vassrammedirektivet, direktiva om fornybar energi (RED II og RED III), krav til konsekvensutgreiingar, og å tilpasse nasjonal og lokal praksis til desse pliktene.
